 |
| !!!!వేదన??? |
భూకంపపు శిథిలాల్లో
భూతకాలాన్ని నెమరేసుకుంటున్న
ఆశావాదిని నేను !
ఎండి వడిలిన వృద్దాప్యంలో
బాల్యావస్థ స్మృతులను
ఏటిఒడ్డున పగిలిన గవ్వల్లో
ఏరుకుంటున్న పసితనపు ప్రాయగాణ్ని...!!
పురివిప్పిన మయూరంలా ఆడా లనీ .....
లేడిలా చెంగు చెంగున గెంతాలనీ ....
అనుకున్నా నే చిన్నతనంలో ....!!!!
వేపచెట్టు నీడలో
ఎండిన ఆకుల దొంతర్లో
బిళ్ల్లం గోడులాడాలనీ జీవుని గోల!!
అధికారపు ఆంక్షలు,పెద్దరికపు నిబంధనలు
ఎన్నో మరెన్నో
కాలం కౌగిట్లో కట్టేశాయి!!!??
స్వేచ్ఛాయుత పిల్లగాలు లు తాకేసరికి
బాల్యంబంధించబడి
యవ్వనం బంధాల మయమై
హృదిని కట్టేశాయి ....
జీవన నౌకాయానంలో తెరచాపనయ్యాను.???
వడలి ,ముడతలు పడ్డకాయం
ధవళ రోమాలు ...
కాలం అద్దంలో అగుపించాయి ....
అంతరాత్మ వెక్కిరింపు కన్నీటిబొట్ల సాక్షిగా
కన్పించాయవి ప్రస్ఫుటంగా ...!!??
తెలుగు మెంటర్
ఆర్.జి.యు.కె.టి బాసర
No comments:
Post a Comment